ကရင်ပြည်နယ်လွှတ်တော်

၁။ ၂၀၀၈ ခုနှစ် ဖွဲ့စည်းပုံအခြေခံဥပဒေ ပုဒ်မ ၁၆၁ အရ ကရင်ပြည်နယ်လွှတ်တော်ကို အောက်ပါအတိုင်း ဖွဲ့စည်းသည်။

ပြည်နယ်အတွင်းရှိ မြို့နယ်တစ်မြို့နယ်လျှင် နှစ်ဦးစီ ရွေးကောက်တင်မြှောက်သော ပြည်နယ်လွှတ်တော်ကိုယ်စားလှယ်များ။

သက်ဆိုင်ရာပြည်နယ် သို့မဟုတ် ယင်းပြည်နယ်အတွင်း ကိုယ်ပိုင်အုပ်ချုပ်ခွင့်ရဒေသ ရရှိပြီးသော တိုင်းရင်းသားများမှအပ ကျန်တိုင်းရင်းသားများအနက် ပြည်ထောင်စုလူဦးရေ၏ ၀.၁ ရာခိုင်နှုန်းနှင့်အထက်ရှိကြောင်း သက်ဆိုင်ရာအာဏာပိုင်က သတ်မှတ်သည့် လူမျိုးတစ်မျိုးလျှင် တစ်ဦးစီ ရွေးကောက်တင်မြှောက်သော ကိုယ်စားလှယ်များ။

ပုဒ်မခွဲ (က) နှင့် (ခ) အရ ရွေးကောက်ခံကိုယ်စားလှယ်စုစုပေါင်း၏ သုံးပုံတစ်ပုံနှင့်ညီမျှသော၊ တပ်မတော်ကာကွယ်ရေးဦးစီးချုပ်က ဥပဒေနှင့်အညီ အမည်စာရင်းတင်သွင်းသည့် တပ်မတော်သားကိုယ်စားလှယ်များ။

၂။ ကရင်ပြည်နယ်လွှတ်တော်၏ လုပ်ငန်းတာဝန်များမှာ အောက်ပါအတိုင်းဖြစ်သည်။

ရွေးကောက်တင်မြှောက်ခြင်း။

ကိုယ်စားပြုခြင်း။

ဥပဒေပြုခြင်း။

အုပ်ချုပ်ရေးနှင့် တရားစီရင်ရေးအဖွဲ့များ၏ လုပ်ဆောင်ချက်များကို အပြန်အလှန်ထိန်းညှိခြင်း။

၃။ ကရင်ပြည်နယ်လွှတ်တော်၏ ရည်မှန်းချက်များမှာ အောက်ပါအတိုင်းဖြစ်သည်။

(က) ပြည်နယ်၏ ဥပဒေပြုရေးကဏ္ဍ ဖွံ့ဖြိုးတိုးတက်ရန်။

(ခ) ပြည်နယ်အတွင်း လူနေမှုအဆင့်အတန်း မြှင့်တင်ပြီး ပြည်သူ့ဆန္ဒ ဖြည့်ဆည်းရန်။

(ဂ) ပြည်နယ်အတွင်း ပြည်သူများကို ထိရောက်စွာ ကိုယ်စားပြုရန်။

(ဃ) ဒီမိုကရေစီစနစ်နှင့်အညီ ပြုပြင်ပြောင်းလဲမှု ဆောင်ရွက်သော အဖွဲ့အစည်းအဖြစ် တန်ဖိုးထားခံရရန်။

(င) စောင့်ကြည့်ထိန်းညှိမှုနှင့် စီမံခန့်ခွဲမှုလုပ်ငန်းစဉ်များ ပိုမိုအားကောင်းစေရန်။

၄။ ကရင်ပြည်နယ်လွှတ်တော်သည် ၂၀၀၈ ခုနှစ် ဖွဲ့စည်းပုံအခြေခံဥပဒေက ပေးအပ်သော အာဏာများကို အပြည့်အဝအသုံးချ၍ ပြည်သူလိုလားသည့် ငြိမ်းချမ်းရေး၊ ညီညွတ်ရေးနှင့် လူမှုဖွံ့ဖြိုးတိုးတက်ရေးအတွက် ဥပဒေပြုရေးလမ်းညွှန်ပြီး ပြည်နယ်အစိုးရ၏ လုပ်ဆောင်မှုကို စောင့်ကြည့်ကာ ပြည်သူ့အကျိုးကို ကိုယ်စားပြုသည့် မူဝါဒများ အကောင်အထည်ဖော်သည်။

၅။ ကရင်ပြည်နယ်လွှတ်တော်၏ လုပ်ငန်းဦးတည်ချက်များမှာ အောက်ပါအတိုင်းဖြစ်သည်။

ဥပဒေပြုရေးကို အားကောင်းစေ၍ မျက်နှာစုံညီအစည်းအဝေးများ စနစ်တကျကျင်းပရန်။

ပြည်သူ့ဘတ်ဂျက်ကို ပွင့်လင်းမြင်သာ၍ ထိရောက်စွာ သုံးစွဲမှုရှိမရှိ စောင့်ကြည့်ရန်။

ပြည်သူ့အသံကို နားထောင်ပြီး မျှော်လင့်ချက်များကို အကောင်အထည်ဖော်ကာ လွှတ်တော်နှင့် ပြည်သူတစ်သားတည်းဖြစ်၍ အပြည့်အဝကိုယ်စားပြုရန်။

လွှတ်တော်ကိုယ်စားလှယ်များ၏ ကျွမ်းကျင်မှုနှင့် စွမ်းရည် မြှင့်တင်ရန်။

လွှတ်တော်ဖွံ့ဖြိုးရေးအတွက် ကော်မတီများ၏ လုပ်ဆောင်မှုနှင့် စောင့်ကြည့်ရေးလုပ်ငန်းစဉ်များ မြှင့်တင်ရန်။

ပြည်နယ်လွှတ်တော်ရုံးဝန်ထမ်းများ၏ လုပ်ဆောင်နိုင်မှု မြှင့်တင်ရန်။

ကိုယ်စားလှယ်များနှင့် ဝန်ထမ်းများ၏ တာဝန်ထမ်းဆောင်မှုစွမ်းရည် တိုးတက်စေမည့် သင်တန်းများရရှိနိုင်သော လေ့လာရေးစင်တာ တည်ထောင်ရန်။

https://kayinstate.hluttaw.mm